APPའདི་དག་ཁྲིམས་ལྟར་ཐག་གཅོད་བྱས་འདུག

ཉེ་ཆར་དྲ་འཕྲིན་ཚན་པའི་ལས་དོན་ཁྲོད་ཤེས་རྟོགས་བྱུང་བར་གཞིགས་ན། ༼ལྗན་དབྱིང༽དང་༼མའོ་ཤང་App ༽༼ལྗི་རྨེང་AI༽བཅས་ལ་མི་ཐབས་རིག་ནུས་ལས་གྲུབ་པའི་འདྲེས་སྦྱོར་ནང་དོན་གྱི་མཚོན་རྟགས་གཏན་འབེབས་བླང་བྱ་དོན་འཁྱོལ་ནུས་ལྡན་བྱུང་མེད་པ་སོགས་ཀྱི་གནས་ཚུལ་ཐོན་ཡོད་པས།  ༼དྲ་རྒྱའི་བདེ་འཇགས་བཅའ་ཁྲིམས༽དང་།  ༼སྐྱེ་གྲུབ་རྣམ་པའི་མིས་བཟོས་རིག་ནུས་ཞབས་ཞུའི་དོ་དམ་གནས་སྐབས་ལག་བསྟར་བྱ་ཐབས༽  ༼མི་ཐབས་རིག་ནུས་ལས་གྲུབ་པའི་ནང་དོན་མཚོན་རྟགས་ངོས་འཛིན་བྱ་ཐབས༽ཞེས་པ་སོགས་བཅའ་ཁྲིམས་ཀྱི་གཏན་འབེབས་ལས་འགལ་ཡོད་པ་རེད། རྒྱལ་ཁབ་དྲ་སྦྲེལ་ཆ་འཕྲིན་གཞུང་ལས་ཁང་གིས་ཁོངས་གཏོགས་ཁུལ་གྱི་གོང་གསལ་དྲ་སྦྲེལ་ཆ་འཕྲིན་གཞུང་ལས་ཁང་ལ། ཁྲིམས་ལྟར་སྐོང་འདྲི་དང་། ཡོ་བསྲང་བྱེད་འགན་དཀྲི་བ། ཐ་ཚིག་སྒྲོག་པ། འགན་འཁྲི་འཁུར་མཁན་ཐག་གཅོད་ནན་པོ་བྱེད་པ་སོགས་ཀྱི་ཐག་གཅོད་ཆད་གཅོད་བྱེད་ཐབས་སྤྱོད་དགོས་པའི་མཛུབ་སྟོན་བྱས་པ་རེད། རྒྱལ་ཁབ་དྲ་སྦྲེལ་ཆ་འཕྲིན་གཞུང་དོན་ཁང་གི་འབྲེལ་ཡོད་འགན་འཁུར་བས། དྲ་ཚིགས་ལས་སྟེགས་ཀྱིས་བཅའ་ཁྲིམས་ཀྱི་མ་མཐའི་རྩ་དོན་ནན་སྲུང་བྱས་ནས་མིས་བཟོས་རིག་ནུས་ལས་གྲུབ་པའི་འདྲེས་སྦྱོར་ནང་དོན་མཚོན་རྟགས་ཀྱི་འབྲེལ་ཡོད་གཏན་འབེབས་བླང་བྱ་དོན་འཁྱོལ་ནན་པོ་བྱེད་དགོས་པ་དང་།   དྲ་འཕྲིན་སྡེ་ཚན་གྱིས་ཁྲིམས་ལྟར་དོ་དམ་དང་བཅོས་སྐྱོང་བྱ་རྒྱུར་སྐུལ་འདེད་བཏང་ནས་མི་ཐབས་ཀྱི་རིག་ནུས་ལས་གྲུབ་པའི་འདྲེས་སྦྱོར་ནང་དོན་མཚོན་རྟགས་ལ་ལྟ་སྐུལ་དོ་དམ་བྱེད་ཤུགས་མུ་མཐུད་ཆེ་རུ་བཏང་སྟེ།  སྤྱི་ཚོགས་ཀྱི་སྤྱི་པའི་ཁེ་ཕན་སྲུང་སྐྱོང་ཏན་ཏིག་བྱས་ནས་མི་ཐབས་ཀྱི་རིག་ནུས་ལག་རྩལ་སྐྱོན་བྲལ་དང་གོ་རིམ་ལྡན་པའི་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་རྒྱུ་རེད།