夜雨聆风ﺋﻮﯓ ﺗﻪﺭﻩﭖ ﻳﯘﻗﯩﺮﻯ ﺑﯜﺭﺟﻪﻛﺘﯩﻜﻰ ... ﻧﻰ ﺑﯧﺴﯩﭗ، ﺋﯧﭽﯩﻠﻐﺎﻥ ﺗﯩﺰﯨ
ﻳﻪﺭ ﺷﺎﺭﻯ ﺗﻮﺭﻯ ﺧﻪﯞﯨﺮﻯ، ﻧﯘﺭ ﺗﻮﺭﻯ ﺗﻪﺭﺟﯩﻤﯩﺴﻰ
ﻳﺎﯞﺭﻭﭘﺎ ﭘﺎﺭﻻﻣﯧﻨﺘﯩﻨﯩﯔ ﺋﻪﺯﺍﻟﯩﺮﻯ ﯞﻩ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻐﺎ ﺋﻪﺯﺍ ﺩﯙﻟﻪﺗﻠﻪﺭ 7-ﭼﯧﺴﻼ «ﺳﯜﻧﺌﯩﻲ ﺋﯩﺪﺭﺍﻙ ﻗﺎﻧﯘﻥ ﻻﻳﯩﮭﻪﺳﻰ»ﮔﻪ ﺗﯜﺯﯨﺘﯩﺶ ﻛﯩﺮﮔﯜﺯﯛﺵ ﺗﻮﻏﺮﯨﺴﯩﺪﺍ ﺋﻮﺭﺗﺎﻕ ﺗﻮﻧﯘﺵ ﮪﺎﺳﯩﻞ ﻗﯩﻠﯩﭗ، ﺳﯜﻧﺌﯩﻲ ﺋﯩﺪﺭﺍﻙ ﺳﯩﺴﺘﯧﻤﯩﺴﯩﻨﯩﯔ «ﭼﻮﯕﻘﯘﺭ ﺋﻮﻳﺪﯗﺭﯗﺵ»ﺗﯩﻜﻰ ﺷﻪﮪﯟﺍﻧﯩﻲ ﻣﻪﺯﻣﯘﻧﻼﺭﻧﻰ ﮪﺎﺳﯩﻞ ﻗﯩﻠﯩﺸﯩﻨﻰ ﭼﻪﻛﻠﻪﺷﻜﻪ ﻗﻮﺷﯘﻟﻐﺎﻥ.
ﺗﺎﺭﺍﺗﻘﯘﻻﺭﻧﯩﯔ ﺧﻪﯞﯨﺮﯨﮕﻪ ﺋﺎﺳﺎﺳﻼﻧﻐﺎﻧﺪﺍ، ﺑﯘ ﭼﻪﻛﻠﻪﺵ ﺑﯘﻳﺮﯗﻗﻰ 2024-ﻳﯩﻠﻰ ﻣﺎﻗﯘﻟﻼﻧﻐﺎﻥ «ﺳﯜﻧﺌﯩﻲ ﺋﯩﺪﺭﺍﻙ ﻗﺎﻧﯘﻥ ﻻﻳﯩﮭﻪﺳﻰ»ﮔﻪ ﺗﯜﺯﯨﺘﯩﺶ ﻛﯩﺮﮔﯜﺯﯛﺵ ﻣﺎﺩﺩﯨﺴﯩﻐﺎ ﻛﯩﺮﮔﯜﺯﯛﻟﯩﺪﯨﻜﻪﻥ. ﻳﺎﯞﺭﻭﭘﺎ ﭘﺎﺭﻻﻣﯧﻨﺘﯩﻨﯩﯔ ﺋﻪﺯﺍﺳﻰ ﻣﺎﻳﻜﻮﻝ ﻣﻪﻛﻨﺎﻣﺎﺭﺍﻧﯩﯔ ﺋﯧﻴﺘﯩﺸﯩﭽﻪ، ﺑﯘ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﯩﯔ ﺗﯘﻧﺠﻰ ﻗﯧﺘﯩﻢ ﻗﺎﻧﯘﻥ ﭼﯩﻘﯩﺮﯨﭗ «ﻛﯩﻴﯩﻢ ﺳﯧﻠﯩﺶ، ﭼﯩﺮﺍﻱ ﺋﺎﻟﻤﺎﺷﺘﯘﺭﯗﺵ» ﺗﯜﺭﯨﺪﯨﻜﻰ ﺳﯩﺴﺘﯧﻤﯩﻼﺭﻧﻰ ﺋﯧﻨﯩﻖ ﭼﻪﻛﻠﯩﺸﻰ ﺑﻮﻟﯘﭖ، «ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ» ﺑﯜﮔﯜﻥ «ﻗﯩﺰﯨﻞ ﺳﯩﺰﯨﻖ»ﻧﻰ ﺑﯧﻜﯩﺘﯩﭗ، ﺳﯜﻧﺌﯩﻲ ﺋﯩﺪﺭﺍﻛﻨﻰ ﮪﻪﺭﮔﯩﺰﻣﯘ ﺑﺎﺷﻘﯩﻼﺭﻧﻰ ﮪﺎﻗﺎﺭﻩﺗﻠﻪﺵ، ﺋﯧﻜﺴﭙﯩﻼﺗﺎﺗﺴﯩﻴﻪ ﻗﯩﻠﯩﺶ ﻳﺎﻛﻰ ﺑﺎﺷﻘﯩﻼﺭﻏﺎ ﺯﯨﻴﺎﻥ ﻳﻪﺗﻜﯜﺯﯛﺷﻜﻪ ﺋﯩﺸﻠﯩﺘﯩﺸﻜﻪ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﯧﻨﯩﻖ ﺗﻪﻛﯩﺘﻠﯩﮕﻪﻥ.
ﻳﺎﯞﺭﻭﭘﺎ ﭘﺎﺭﻻﻣﯧﻨﺘﻰ ﯞﻩ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻐﺎ ﺋﻪﺯﺍ ﺩﯙﻟﻪﺗﻠﻪﺭﻧﯩﯔ ﯞﻩﻛﯩﻠﻠﯩﺮﻯ ﺷﯘ ﻛﯜﻧﻰ ﻳﻪﻧﻪ ﻳﯘﻗﯩﺮﻯ ﺧﻪﺗﻪﺭﻟﯩﻚ ﺳﯜﻧﺌﯩﻲ ﺋﯩﺪﺭﺍﻙ ﺳﯩﺴﺘﯧﻤﯩﺴﯩﻐﺎ ﻗﺎﺭﯨﺘﯩﻠﻐﺎﻥ ﻧﺎﺯﺍﺭﻩﺕ ﻗﯩﻠﯩﭗ ﺑﺎﺷﻘﯘﺭﯗﺵ ﺑﻪﻟﮕﯩﻠﯩﻤﯩﺴﯩﻨﻰ ﻳﻮﻟﻐﺎ ﻗﻮﻳﯘﺷﻨﻰ ﻛﯧﭽﯩﻜﺘﯜﺭﯛﺷﻜﻪ ﻗﻮﺷﯘﻟﻐﺎﻥ. ﺋﻪﺳﻠﯩﺪﯨﻜﻰ ﭘﯩﻼﻧﻐﺎ ﺋﺎﺳﺎﺳﻪﻥ، ﻣﯘﺳﺘﻪﻗﯩﻞ ﺳﯜﻧﺌﯩﻲ ﺋﯩﺪﺭﺍﻙ ﺳﯩﺴﺘﯧﻤﯩﺴﯩﻐﺎ ﻗﺎﺭﯨﺘﯩﻠﻐﺎﻥ ﻧﺎﺯﺍﺭﻩﺕ ﻗﯩﻠﯩﭗ ﺑﺎﺷﻘﯘﺭﯗﺵ ﺑﻪﻟﮕﯩﻠﯩﻤﯩﺴﻰ 2026-ﻳﯩﻠﻰ 8-ﺋﺎﻳﺪﺍ ﻛﯜﭼﻜﻪ ﺋﯩﮕﻪ ﺑﻮﻟﯩﺪﯗ، ﺑﺎﺷﻘﺎ ﻣﻪﮪﺴﯘﻻﺗﻼﺭﻏﺎ ﺗﻮﭘﻼﺷﺘﯘﺭﯗﻟﻐﺎﻥ ﺳﯜﻧﺌﯩﻲ ﺋﯩﺪﺭﺍﻙ ﻗﻮﺭﺍﻟﻰ 2027-ﻳﯩﻠﻰ 8-ﺋﺎﻳﺪﺍ ﻳﻮﻟﻐﺎ ﻗﻮﻳﯘﻟﯩﺪﯗ. ﻳﯘﻗﯩﺮﯨﻘﻰ ﯞﺍﻗﯩﺖ ﺋﺎﻳﺮﯨﻢ-ﺋﺎﻳﺮﯨﻢ ﮪﺎﻟﺪﺍ 2027-ﻳﯩﻠﻰ 12-ﺋﺎﻱ ﯞﻩ 2028-ﻳﯩﻠﻰ 8-ﺋﺎﻳﻐﺎ ﻛﯧﭽﯩﻜﺘﯜﺭﯛﻟﯩﺪﯨﻜﻪﻥ.
ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﻛﻮﻣﯩﺘﯧﺘﻰ ﺑﯘﻧﯩﯖﺪﯨﻦ ﺋﯩﻠﮕﯩﺮﻯ ﻳﻮﻟﻐﺎ ﻗﻮﻳﯘﺵ ﯞﺍﻗﺘﯩﻨﻰ ﺗﻪﯕﺸﻪﺵ ﻛﺎﺭﺧﺎﻧﯩﻼﺭﻧﯩﯔ ﻧﺎﺯﺍﺭﻩﺕ ﻗﯩﻠﯩﭗ ﺑﺎﺷﻘﯘﺭﯗﺵ ﺗﻪﻟﯩﭙﯩﮕﻪ ﻣﺎﺳﻠﯩﺸﯩﺸﯩﻐﺎ ﻳﺎﺭﺩﻩﻡ ﺑﯧﺮﯨﭗ، ﻳﯧﯖﯩﻠﯩﻖ ﻳﺎﺭﯨﺘﯩﺸﻨﻰ ﭼﻪﻛﻠﻪﭖ ﻗﻮﻳﯘﺷﺘﯩﻦ ﺳﺎﻗﻠﯩﻨﯩﺶ ﺋﯜﭼﯜﻥ ﺋﯩﻜﻪﻧﻠﯩﻜﯩﻨﻰ، ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﯩﯔ ﻳﻪﻧﯩﻼ «ﺳﯜﻧﺌﯩﻲ ﺋﯩﺪﺭﺍﻙ ﻗﺎﻧﯘﻥ ﻻﻳﯩﮭﻪﺳﻰ»ﻧﯩﯔ ﺑﺎﺷﻘﺎ ﻣﺎﺩﺩﯨﻠﯩﺮﻯ ﺋﺎﺭﻗﯩﻠﯩﻖ ﺳﯜﻧﺌﯩﻲ ﺋﯩﺪﺭﺍﻛﻨﯩﯔ ﺑﯩﺨﻪﺗﻪﺭ ﺗﻪﺭﻩﻗﻘﯩﻲ ﻗﯩﻠﯩﺸﯩﻨﻰ ﺋﯩﻠﮕﯩﺮﻯ ﺳﯜﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.
ﺑﯘﻧﯩﯖﺪﯨﻦ ﺋﯩﻠﮕﯩﺮﻯ، ﺋﺎﻣﯧﺮﯨﻜﯩﻠﯩﻖ ﻛﺎﺭﺧﺎﻧﯩﭽﻰ ﺋﯧﻠﻮﻥ ﻣﺎﺳﻜﻨﯩﯔ ﺋﯩﺠﺘﯩﻤﺎﺋﯩﻲ ﺋﺎﻻﻗﻪ ﺳﯘﭘﯩﺴﯩﻐﺎ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺳﯜﻧﺌﯩﻲ ﺋﯩﺪﺭﺍﻛﻠﯩﻖ ﭘﺎﺭﺍﯕﻠﯩﺸﯩﺶ ﻣﺎﺷﯩﻨﺎ ﺋﺎﺩﯨﻤﻰ ﺷﻪﮪﯟﺍﻧﯩﻲ ﻣﻪﺯﻣﯘﻥ ﮪﺎﺳﯩﻞ ﻗﯩﻠﻐﺎﻥ ﺩﻩﭖ ﺋﻪﻳﯩﺒﻠﯩﻨﯩﭗ، ﻛﻪﯓ ﻛﯚﻟﻪﻣﺪﻩ ﺋﻪﻳﯩﺒﻠﻪﺷﻜﻪ ﺋﯘﭼﺮﯨﻐﺎﻥ. ﺳﯜﻧﺌﯩﻲ ﺋﯩﺪﺭﺍﻙ ﺋﯩﺴﭙﺎﺕ ﺋﯧﻠﯩﺶ ﺗﻪﺷﻜﯩﻼﺗﯩﻨﯩﯔ ﺩﻭﻛﻼﺗﯩﻐﺎ ﺋﺎﺳﺎﺳﻼﻧﻐﺎﻧﺪﺍ، 2025-ﻳﯩﻠﻰ 12-ﺋﺎﻳﻨﯩﯔ 25-ﻛﯜﻧﯩﺪﯨﻦ 2026-ﻳﯩﻠﻰ 1-ﺋﺎﻳﻨﯩﯔ 1-ﻛﯜﻧﯩﮕﯩﭽﻪ، ﺋﯘ ﭼﻮﯕﻘﯘﺭ ﺋﻮﻳﺪﯗﺭﯗﺵ ﺷﻪﻛﻠﯩﺪﻩ ﮪﺎﺳﯩﻞ ﻗﯩﻠﻐﺎﻥ 20 ﻣﯩﯔ ﭘﺎﺭﭼﻪ ﺳﯜﺭﻩﺕ ﺋﯩﭽﯩﺪﻩ، %55 ﺳﯜﺭﻩﺕ ﻣﻪﺧﭙﯩﻲ ﺋﻪﺯﺍﻻﺭ ﺋﯧﭽﯩﻠﯩﭗ ﻗﺎﻟﻐﺎﻥ ﺳﯜﺭﻩﺕ ﺋﯩﻜﻪﻥ، ﺑﯘﻧﯩﯔ ﺋﯩﭽﯩﺪﻩ %80ﻯ ﺋﺎﻳﺎﻟﻼﺭﻧﯩﯔ ﺷﯘﻧﺪﺍﻕ ﺳﯜﺭﯨﺘﻰ ﺋﯩﻜﻪﻥ، %2 ﺳﯜﺭﻩﺗﺘﯩﻜﻰ ﺋﺎﺩﻩﻣﻨﯩﯔ ﻳﯧﺸﻰ 18 ﻳﺎﺷﻘﺎ ﻳﻪﺗﻤﻪﻳ
